أخبارالأرشيفمراجعات الهواتف
أخر الأخبار

ترشيحات يناير 2019 من Apkroids عن أفضل الهواتف في جميع الفئات السعرية

ترشيحات يناير 2019 من Apkroids أفضل الموبايلات في جميع الفئات السعرية

بوست عايزينه يلف الوطن العربي وخصوصاً مصر …

تحت كل موبايل هيبقي مكتوب نقاط تميزه وسعره الحالي وفيديو مختصر يشرح مميزاته و عيوبه

الترشيحات دي يعني الموبايلات اللي إحنا شايفنها الأفضل في كل فئة سعرية .

أنا أضمنلك إن أي موبايل تشتريه من الترشيحات دي هيبسطك و مش هيعملك مشاكل إن شاء الله .

أنا نفسي لما بشتري موبايل بجيب من الموبايلات المذكورة دي فمافيش داعي إن حد يبعتلي رسالة و يقولي أنا عايز أشتري موبايل ب كذا لأن هقولك نفس الخيارات اللي مكتوبة هنا ، ويستحسن تتفرج علي الفيديو اللي تحت كل موبايل عشان تشوف كل تفاصيل الموبايل في فيديو مختصر أقل من خمس دقايق .

الترشيحات مفهاش مجاملات خالص !

للي ميعرفناش ، إحنا اقدم موقع متخصص في التقنية والموبايلات والأندرويد في الوطن العربي وبنقدم مراجعات محايدة للسمارت فون ومفيش أي مجال لمجاملة الشركات عندنا !

الموبايل اللي شايفنه يستحق يدخل الترشيحات بيدخل واللي مش مستاهل بيخرج أياً كانت إسم شركته !

كل الموبايلات اللي في الترشيحات إحنا مجربينها بنفسنا لفترات طويلة إستخدام أساسي و مجربين كل الموبايلات اللي في السوق .

فيه بعض المبادئ في شراء الموبايل أصبحت أساسية أو على الأقل يستحسن وجودها في الموبايل في أي فئة في 2019 زي مثلاً :

– إن الرام 1 جيجا بايت مبقتش تصلح ب أي شكل من الأشكال لتجربة أندرويد محترمة .
– الشاشة يستحسن تكون بالأبعاد الجديدة للشاشة مع حواف قليلة حوالين الشاشة بالتالي نسبة إستحواذ عالية .
– ميزة شحن البطارية السريع ميزة مفيدة للي بيحتاج يشحن موبايله ربع أو نص ساعة وينزل من البيت مستعجل .
– دعم الموبايل لشبكات الجيل الرابع بقى شيء أساسي مينفعش تتنازل عنه في موبايلك وكل الموبايلات الموجودة في ترشيحاتنا داعمه للجيل الرابع .
– أغلب الموبايلات دلوقتي بقي فيها ميزة التعرف على الوجه ودي بديلة للبصمة لكن درجة أمانها أقل من البصمة !
– في براند جديد هتشوفوا منه كذا موديل أثناء قراءة البوست إسمه ريلمي Realme وهو براند تابع لأوبو وجزء منها واخد نفس مميزات شركة أوبو من خامات وخدمات ما بعد البيع محترمة بسعر أرخص ولكن عشان تشتري الموبايل لازم تشتريه أونلاين في مواعيد محددة كاتبها في المقالة وحاطط الرابط اللي هيسهلك شراء الموبايل لو سجلته عندك ودخلت عليه في المواعيد المذكورة .

آخر وأهم خطوة قبل ما نبدأ الترشيحات أنت كمشتري عايز تجيب موبايل مثلاً في فئة ال 2000 جنيه والمبلغ ده أقصى مبلغ تقدر عليه ؟ أعتقد إنك تقدر تتصرف في 100 جنيه زيادة مثلاً عشان تجيب حاجة أحسن بكتير وهتفرق معاك في إستخدامك للموبايل وإنه يريحك والعكس ! إنت تقدر تدفع 5000 جنيه ولكن إحنا شايفين إن فيه موبايل ب 4300 جنيه بيحقق نفس الأداء الإجمالي للموبايل أبو 5000 جنيه .
الجزئية دي إحنا مراعينها جدا في الترشيحات .

ترشيحاتنا هتكون كالتالي :
– فئة 1500
– فئة 2000
– فئة 2500
– فئة 3000
– فئة 3500
– فئة 4000
– فئة 5000
– فئة 6500

________

◄ فئة ال 1500 جنيه (فئة الموبايل الإقتصادي جدا ورام 2 جيجا و ذاكرة 16 جيجا … إستخدام مكالمات و تصفح فيسبوك وواتساب ويوتيوب مع ألعاب خفيفة بالكتير)

أفضل خيار فيها ؟

سعر ومواصفات شاومي Redmi 6A

شاشة 5.5 بوصة بالأبعاد الجديدة … معالج جديد بتقنية تصنيع 12 نانو متر رباعي النواه ورام 2 جيجا وذاكرة 16 جيجا وبطارية 3000 ميلي أمبير ومستشعر بوصلة لمعرفة الإتجاهات وقبلة الصلاة وميزة التعرف على الوجه .

نقاط التميز : أفضل معالج في الفئة لإستخدام البرامج والألعاب – أفضل كاميرا في الفئة – مميزات سوفت وير شاومي وميزة عمل نسختين من أي تطبيق علي الموبايل زي الواتساب مثلا وميزة المساحة التانية إنك تعمل 2 مستخدم للموبايل كل مستخدم فيهم ب صور وبرامج و ملفات مختلفة تماما لزيادة الخصوصية .

سعر الموبايل حوالي 1700 جنيه ويمكنك الحصول عليه
من هنا :
شراء الهاتف

أو هنا :

شراء الهاتف
أو هنا :

شراء الهاتف

__

تاني خيار في الفئة ؟

ميزو  Meizu M5c

بشاشة 5 بوصة بالأبعاد القديمة ولكن تم إضافته للترشيحات بسبب سعره المنافس ودعمه للجيل الرابع وذاكرة 16 مع بطارية 3000 ميلي أمبير ومستشعر بوصلة لمعرفة الإتجاهات وقبلة الصلاة … ولكن متستناش منه أداء كاميرا

نقاط التميز : رام 2 جيجا – سعر رخيص
الموبايل أتعمل عليه عرض بيتباع بحوالي بخصم 14% ولكن الكمية الباقية قليلة تقدر تحصل عليه من هنا :

شراء الهاتف

أو من هنا

شراء الهاتف

وتقدر تشوف مراجعة فيديو مختصرة بكافة عيوب ومميزات الموبايل من الفيديو البسيط ده

 

________

تالت خيار في حالة نفاذ أول خيارين فقط هيكون

Meizu C9

شاشة 5.5 بوصة بالأبعاد الجديدة تعتبر بهتانة سنة مقارنة بالريدمي 6A و حجم البطارية 3000 ميلي أمبير ولكن متستناش منه أداء كاميرا مع رام 2 و ذاكرة 16 .

نقاط التميز : بطارية قابلة للتغيير ودي ميزة بقي نادر إننا نشوفها في أي موبايل دلوقتي !

 

ــــــــــــــــــــــــــــــــــــــــــــــــ

 

 

◄ فئة ال 2000 جنيه (أيضاً فئة الموبايل الإقتصادي جدا بمعالج رباعي ورام 2 جيجا وذاكرة 16 جيجا و مفيش مستشعر بصمة … ولكن ظهر موديل جديد إستثناء مميز جدا في الفئة)

خيارين في الفئة دي

الأول هو الإستثناء المميز !

ريلمي C1

يأتي مع 2 جيجا رام وذاكرة 16 الموبايل الوحيد في الفئة دي بمعالج ثماني النواه كوالكوم 450 … والوحيد في الفئة ببطارية 4230 ميلي أمبير جبارة …. والوحيد في الفئة أيضاً بشاشة 6.2 بوصة بنوتش مع نسبة إستحواذ هايلة للشاشة عشان متحسش إن الموبايل كبير في إيدك …. مع كاميرات معقولة للفئة !

شاهد أيضاً :   مجموعة ثيمات هواوي معدلة من تصميم فريق الموقع [تحديث]

نقاط التميز : حجم الشاشة – البطارية – معالج ثماني – أداء ألعاب ثقيلة زي PUBG معقول جدا علي low جرافيكس .

الموبايل هيبقي متاح ب 2300 جنيه والكمية محدوده دلوقتي نظراً للسحب عليه وتقدر تحصل عليه من هنا :

شراء الهاتف

أو هنا

شراء الهاتف

أو هنا

شراء الهاتف

 

و تقدر تشوف مراجعة فيديو مختصرة بكافة عيوب ومميزات الموبايل من هنا :

 

ــــــــــــــــــــــــــــــ

 

التاني سامسونج J4

محطوط كخيار تاني لأنه بمعالج رباعي وهتاخد نفس الرام 2 جيجا مع أداء أقل … و لكن هتاخد براند سامسونج وشاشة 5.5 بوصة بالأبعاد القديمة سوبر أموليد (أفضل ألوان و سطوع ولكن حجم شاشة أصغر وحواف حواليها كتيرة على الفاضي) … وفيه منه نسخة بذاكرة داخلية 32 جيجا … وكاميرا خلفية وسيلفي متساوي مع ريلمي .

سعر الموبايل بيبدأ من 2300 جنيه ويمكن الحصول عليه من هنا :

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

 

__________

 

◄ فئة ال 2500 جنيه (فئة عملناها مخصوص عشان اللي محتاج موبايل رام 3 جيجا و ذاكرة كبيرة و مستشعر بصمة و ميقدرش يوصل للفئة السعرية الأعلى)

موبايلين في الفئة دي تابعين لهواوي Huawei :
Honor 7C
Redmi 6

الأول أونر 7C

Honor 7C


مما لا شك فيه إن موبايل هواوي y7 prime 2018 من أكتر الأجهزة مبيعا في مصر …. وعلى الرغم من ده … شركة هونر التابعة لهواوي وبتستخدم نفس المصانع والجودة عندها موبايل بنفس السعر بالظبط … مع مميزات أفضل … يعني المعالج أفضل وأسرع … و كمان التصميم معدني مش بلاستيكي… برشح الموبايل ده للي ناوي يجيب هواوي في الفئة دي ومش هيندم من التغيير من هواوي لهونر لأنهم في الآخر شركة واحدة والعلبة عليها ختم هواوي كمان … معالج ثماني كوالكوم ورام 3 جيجا وذاكرة 32 وبطارية 3000 ميلي أمبير .

سعر الموبايل بيبدأ من 2600 جنيه تقدر تحصل عليه من هنا :
شراء الهاتف

أو هنا

شراء الهاتف

أو هنا

شراء الهاتف

و تقدر تشوف مراجعة فيديو مختصرة بكافة عيوب و مميزات الموبايل من هنا :

 

__________

 

 

التاني شاومي ريدمي 6

xiaomi redmi 6


يعيبه إن شاشته تعتبر صغيرة على الفلوس اللي بتدفعها 5.5 بوصة بالأبعاد الجديدة ولكن يميزه 3 جيجا رام و 4 جيجا رام وكاميرتين خلفيتين وآداء أفضل شوية .. و متاح بذاكرة 32 او 64 جيجا حسب تفيضلك
سعره يبدأ من 2555 جنيه لنسخة 64 جيجا تقدر تحصل عليه من هنا :

نسخة 64 جيجا رامات 4 جيجا

شراء الهاتف

أو نسخة 32 جيجا رامات 3 جيجا

شراء الهاتف

أو هنا

شراء الهاتف

 

________

 

◄ فئة ال 3000 جنيه “هنا نبدأ نقول إنك بتاخد موبايل متوسط مش إقتصادي ، أبعاد الشاشة الجديدة والمعالج ثماني شيء عادي هنا و 3 جيجا رام و 32 جيجا ذاكرة داخلية والبصمة والتعرف على الوجه أساسيين من أول هنا … أداء ألعاب تقيلة فوق المعقول تشغل PUBG علي low و medium “

الفئة دي عندنا فيها كذا موبايل :
Redmi S2
Mi A2 Lite
Galaxy J6 plus

الأول ريدمي إس 2

Redmi S2


المعالج سناب دراجون 625 وبالأبعاد الجديدة للشاشة … ولكن تصميمه بلاستيكي وبطاريته 3000 ميلي أمبير وكاميرا السيلفي 16 ميجا الأفضل في الفئة وفي منه فئه 3 جيجا رام وذاكرة 32 جيجابيت وفئه 4 جيجا رامات 64 جيجابيت – بكاميرا خلفية مزدوجة – إضافات شاومي – ريموت إنفراريد للتليفزيون

سعره يبدأ من 3200 ومتوفر عرض من خلال الرابط :

رام 4 جيجا ذاكرة 64 جيجا

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

أو شراء نسخة 3 جيجا رام و 32 ذاكرة داخلية

شراء الهاتف

و تقدر تشوف مراجعة فيديو مختصرة بكافة عيوب ومميزات الموبايل من هنا :

 

________

التاني شاومي Mi A2 Lite


ده موبايل مناسب جداً للي عايز شاشة صغيرة ملمومة في الأيد لأن الشاشة 5.8 بوصة بالأبعاد الجديدة وفيها نوتش وبطارية 4000 ميلي أمبير الأكبر في الفئة السعرية وخامات معدن مميزة …. يعيبه إن السيلفي 5 ميجا بيكسل أدائها متواضع “بالنسبالي أنا أدمن مؤمن مش شايف إنه عيب” … والسوفت وير أندرويد خام بدون أي إضافات بعض الناس بتشوفه ممل وبعض الناس بيشوفوه أدائه سلس ومش بيهنج وبيوصله تحديثات النظام بشكل أسرع … الموبايل فيه إنفراريد ريموت للأجهزة المنزلية

الموبايل تقدر تشتريه ب 3500 جنيه لما عشان عليه كوبون عرض بيوفرلك 100 جنيه تقدر تحصل عليه من هنا :

نسخة 64 جيجا رام 4 جيجا

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

أو شراء نسخة 32 جيجا رام 3 جيجا

شراء الهاتف

 

__________

سامسونج J6 بلس

Samsung Galaxy J6


الموبايل ده أرخص موبايل محترم من سامسونج بالأبعاد الجديدة و شاشة IPS 6 بوصة وفيه بصمة في الجنب ومعالج رباعي “إستثناء في الفئة” …. وكاميرات خلفية مزدوجة كويسة … أدائه مش الأفضل في الفئة ولكن مقبول للي بيفضل براند سامسونج وسعر الموبايل بيبدأ من 2800 جنيه وعليه عرض تقد تحصل عليه من هنا :

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

 

________

◄ أما فئة ال 3500 جنيه
فيها جهاز
Redmi Note 6 Pro 32GB

شاومي ريدمي نوت 6 برو

Redmi Note 6 Pro 32GB

شاهد أيضاً :   تقرير يؤكد أن الإمارات العربية المتحدة كانت تستخدم أداة قوية لإختراق هواتف آيفون الخصم


نسخة 3 جيجا رام و 32 جيجا ذاكرة …. يميزه عن الفئة اللي قبله المعالج الكوالكوم 636 اللي بيقدم أداء أفضل في الألعاب والبرامج ويميزه كاميرا خلفية وأمامية ممتازة

هتروح له لو أنت عايز كاميرات وعزل أفضل … وتتنازل شوية في الرام 3 جيجا وذاكرة 32 … بس هتاخد بطارية كبيرة مع دفع 500 جنيه زيادة

كاميرا خلفية مزدوجة وكاميرا أمامية مزدوجة أيضاً … يعني الموبايل فيه 4 كاميرات … لدرجة إن كاميراته أفضل من موبايلات الفئة الأغلى منه …. أفضل عزل كاميرا ممكن تشوفه في الترشيحات دي كلها .. معالج أفضل شوية سناب دراجون 636 وشاشة فيها “نوتش” عشان يقلل الحواف بدرجة أكبر … بطارية 4000 ميلي أمبير .. وممكن تتشحن شحن سريع بس هتحتاج تشتري الشاحن السريع بشكل منفصل … النسخة دي من الموبايل بتكون 3 رام و ذاكرة 32 … وفيه نسخة أغلى 500 جنيه ب رام و ذاكرة أعلى .

سعر الموبايل يبدأ من 3500 جنيه تقدر تحصل عليه من هنا :

شراء الهاتف

أو هنا

شراء الهاتف

و تقدر تشوف مراجعة فيديو مختصرة بكافة عيوب و مميزات الموبايل من هنا :

 

 

 

________

 

◄ فئة ال 4000 جنيه ” هنا بتاخد مستوي معالجات افضل بفرق واضح في الألعاب يعني تقدر تلعب لعبة PUBG علي درجة High جرافيكس …و كل الموديلات هنا بتبقي 4 جيجا رام و 64 جيجا ذاكرة “
الفئة دي عندنا فيها 5 موديلات
Realme 2 Pro 64GB
Mi 8 Lite 64GB
huawei Y9 2019

Redmi Note 6 Pro 64GB
Samsung A6 Plus

________

 

الأول ريلمي 2 برو

Realme 2 Pro 64GB

زي ما قولنا في بداية الترشيحات براند ريلمي تابع ل شركة أوبو … الموبايل ده شكلا نسخة طبق الأصل من أوبو أف 9 …. وهو أرخص موبايل في مصر ب معالج كوالكوم سناب دراجون 660 اللي بيضمنلك أداء يومي مفهوش تهنيج وأداء ألعاب مفهوش شكاوي للفئة السعرية دي وكاميرا خلفية بفتحة عدسة 1.7 … بطاريته 3500 ميلي أمبير وغير داعم للشحن السريع … السيلفي 16 ميجا بيكسل ليس الأفضل في الفئة السعرية

الموبايل متاح بداية من  3790 جنيه تقدر تحصل عليه من هنا :

شراء الهاتف

أو هنا

شراء الهاتف

 

وتقدر تشوف مراجعة فيديو مختصرة بكافة عيوب ومميزات الموبايل من هنا :

 

 

________

التاني شاومي مي 8 لايت

Mi 8 Lite 64GB


بنفس المعالج كوالكوم سناب دراجون 660 … والموبايل الوحيد في خيارات الفئة اللي بيجي ب تصميم زجاج فخم وخامات خارجية مصروف عليها … أفضل سيلفي 24 ميجا بيكسل … داعم للشحن السريع .. كاميرا خلفية جيدة …. عيب الموبايل ده الأساسي غياب مدخل السماعة السلك ال 3.5 ميلي …. وإن بطاريته صغيرة نسبيا 3350 ميلي أمبير .

سعر الموبايل يبدأ من 4500 جنيه تقدر تحصل عليه من هنا :

شراء الهاتف

أو هنا

شراء الهاتف

أو هنا

شراء الهاتف

وتقدر تشوف مراجعة فيديو مختصرة بكافة عيوب و مميزات الموبايل من هنا :

 

______

الثالث هواوي واي 9 2019

huawei Y9 2019

من براند هواوي المرموق ب 4 كاميرات .. أتنين أمامية وأتنين خلفية – نفس معالج النوفا 3i … الأغلى منه ب حوالي 800 جنيه
كاميرا الخلفية .. أحسن من النوفا …. لأن الكاميرا 13 ميجا بيكسل بفتحة عدسة 1.8
والبطارية أكبر 4000 ميلي أمبير
معالج الجهاز كيرين 710 مع خاصية GPU Turbo بيقدم ألعاب أفضل من السناب دراجون 636

الفرق إن الذاكرة الداخلية 64 جيجا والسيلفي أقل شوية من النوفا والموبايل خامته بلاستيك بس شكله حلو … موبايل يستحمل التعامل العنيف والوقعات ….
لو هنتكلم علي المبيعات في الشارع الهواوي واي 9 أكتر جهاز بيحقق مبيعات في الفئة دي عشان ثقة علامة هواوي القوية وسط المستهلكين .

الموبايل سعره يبدأ من 4000 جنيه تقدر تحصل عليه بالخصم من هنا :

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

 

وتقدر تشوف مراجعة فيديو مختصرة بكافة عيوب و مميزات الموبايل من هنا :

 

________

الرابع ريدمي نوت 6 برو نسخة ال 64 جيجا

Redmi Note 6 Pro 64GB


يظل الريدمي نوت 6 برو (ومعاه اوبو اف 9 ومي 8 لايت) عندهم نسبة تفوق في الكاميرا خلفية وتفوق واضح في الكاميرا الأمامية والريدمي نوت 6 برو عشان فيه كاميرتين أماميتين الأفضل في العزل في الناحيتين …
و لكن معالج الريدمي نوت 6 برو أقل من خيارات الفئة دي وده بيبان في الألعاب … يميزه بطارية 4000 وشأنه شأن Mi 8 Lite داعم للشحن السريع

سعر الموبايل يبدأ من 3900 جنيه تقدر تحصل عليه بالخصم من هنا :

شراء الهاتف

أو هنا

شراء الهاتف

 

وتقدر تشوف مراجعة فيديو مختصرة بكافة عيوب ومميزات الموبايل من هنا :

 

________

الخامس سامسونج A6 Plus

Samsung A6 Plus


الموبايل لهواة سامسونج بتصميم ضهر معدن بالكامل وشاشة 6 بوصة سامسونج السوبر أموليد المميزة بالأبعاد الجديدة يعيبه إن المعالج بتاعه سناب دراجون 450 الثماني … وده معالج إقتصادي وهو نفس المعالج اللي موجود في جهاز Realme C1 اللي في ترشيحاتنا في فئة ال 2000 جنيه … ومع ذلك موبايل سامسونج A6 Plus أداؤه معقول جداً ومش هيكون سيء لمستخدم سامسونج العادي في الإستخدامات اليومية بتاعة الإنترنت وبرامج السوشيال ميديا …. ولكن هيكون أضعف موبايلات الفئة لو أنت مهتم بالألعاب .

الموبايل عليه عرض حاليا ب 4800 جنيه تقدر تحصل عليه من هنا :

شراء الهاتف

أو هنا

شراء الهاتف

شاهد أيضاً :   مواصفات الهاتف الجديد 2018 Samsung Galaxy A5

أو هنا

شراء الهاتف

 

 

________

◄ فئة ال 5000 جنيه ” هنا تبدأ تاخد ذاكرة داخلية 128 جيجا و اداء ألعاب يقرب من الممتاز “

خمس خيارات قدامك في الفئة دي
Realme 2 Pro 128GB
Oppo F9
Mi 8 Lite 128GB
Honor Play
A7 2018

____________

الأول ريلمي 2 برو

oppo Realme 2 Pro 128GB


ده الألفا بتاع الترشيحات دي … أرخص موبايل 8 جيجا رام في مصر مع ذاكرة 128 جيجابيت … أداء راقي مع تنقل بين البرامج ممتاز أثناء الإستخدام بدون تهنيج أو تأخير

سعره بيدأ من فئة ال 5000 جنيه وتقدر تحصل عليه بالعروض من هنا :

شراء الهاتف

وتقدر تشوف مراجعة فيديو مختصرة بكافة عيوب ومميزات الموبايل من هنا :

 

__________

 

التاني اوبو اف 9

Oppo F9

الموبايل ده حاليا هو تاني أكتر موبايل مبيعا في مصر … بيبيع مبيعات خرافية … موبايل جاي ورا موبايل ناجح جداً هو أوبو اف 7 … تقريبا نفس الموبايل بس نوتش أصغر … وضافوا ميزة الشحن السريع اللي بتخليك تشحن البطارية بالكامل في ساعة وربع والشاحن السريع جوة العلبة …. وضافوا كاميرا إضافية للعزل
أفضل سيلفي ممكن تاخده من حيث التفاصيل
عن خبرتي وتجربتي مع المتابعين اللي أشتروا الموبايل أكتر موبايل عليه نسبة رضاء من المستهلكين .
بيجي بنسخة 4 جيجا رام … أو 6 جيجا رام أغلى 500 جنيه
الموبايل سعره حاليا بين ال 5100 و 5750 وتقدر تحصل عليه بالخصومات من هنا :

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

وتقدر تشوف مراجعة فيديو مختصرة بكافة عيوب ومميزات الموبايل من هنا :

وده فيديو إختار الشحن السريع للأوبو اف 9 Oppo F9 :

 

__________

الثالث شاومي مي 8 لايت

Xiaomi Mi 8 Lite 128GB

بنفس معالج ريلمي 2 برو كوالكوم سناب دراجون 660 … ولكن ب رام 6 (أقل 2 جيجا من ريلمي وأكتر 2 جيجا من أوبو اف 9) … نفس مستوى سيلفي اف 9 … داعم للشحن السريع .. كاميرا خلفية مميزة …. عيب الموبايل ده الأساسي غياب مدخل السماعة السلك ال3.5 ميلي …. وإن بطاريته صغيرة نسبيا 3350 ميلي أمبير .

سعر الموبايل بيبدأ من 5500 جنيه تقدر تحصل عليه من هنا :

شراء الهاتف

أو هنا

شراء الهاتف

 

وتقدر تشوف مراجعة فيديو مختصرة بكافة عيوب و مميزات الموبايل من هنا :

 

__________

الخيار الرابع للي محتاج أداء ألعاب عالي وبراند هواوي

أونر بلاي

Honor Play A7 2018

بيجي بمعالج كيرين 970 الرائد … نفس الموجود بالظبط في هواوي بي 20 برو اللي سعره 15 ألف جنيه
كون أنك تشتري موبايل ب نفس المعالج ب تلت السعر تقريبا ده إبداع .
الموبايل ب شاشة 6.3 بوصة ب نوتش … حجمه مناسب متقلقش منه … مع 4 جيجا رام … وذاكرة 64 جيجا … مع كاميرات خلفية وأمامية متوسطة … وشاحن سريع مرفق جوة العلبة
إختصاراً للوقت  .. لو أنت بتثق في هواوي أكتر … وعايز جهاز معدن … هات أونر بلاي  Honor Play A7 2018
ولو أنت عايز المعالج الأقوى وكاميرات أفضل نسبيا … ورام أعلى … هات بوكوفون .

تقدر تحصل عليه مع العروض من هنا :

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

أو هنا

شراء الهاتف

 

وتقدر تشوف مراجعة فيديو مختصرة بكافة عيوب و مميزات الموبايل من هنا :

 

 

ـــــــــــــــــــــــ

الخيار الخامس سامسونج A7 2018

Samsung Galaxy A7

لمحبي سامسونج في الفئة دي .. شاشة 6 بوصة سوبر أموليد بالأبعاد الجديدة … سيلفي 24 ميجا بيكسل …. 3 كاميرات خلفية (واحدة أساسية 24 ميجا بيكسل وواحدة ب زاوية عدسة واسعة وواحدة لصور العزل ومعرفة المسافات) … مع معالج متوسط أضعف شوية من المعالجات التانية اللي في نفس الفئة …. مع 4 جيجا رام وذاكرة 16 و 32 و 64 و 128 جيجابيت .. وبطارية 3300 ميلي أمبير .

الموبايل يبدأ من 5440 جنيه فقط من هنا :

شراء الهاتف

أو هنا

شراء الهاتف

أو هنا

شراء الهاتف

 

________

 

◄ فئة ال 6500 جنيه “هنا بتاخد موبايل رائد بسعر رخيص مع بعض التنازل في التصميم فقط”
خيار وحيد

شاومي بوكو اف 1

Xiaomi Pocophone F1

في الفئة دي … شاومي جايبة من الآخر … وحاطة في الموبايل أعلى معالج في العالم حاليا … نفس المعالج بالظبط اللي ممكن تشوفه في موبايل 20 ألف جنيه … بطل الفئة دي هو شاومي بوكو اف 1 … ب معالج كوالكوم سناب دراجون 845 … اللي بيحقق أداء زي اللي بتشوفه بالظبط في سامسونج نوت 9 والاجهزة الخرافية دي … بسعر 6444 جنيه بس لنسخة 64 جيجا ذاكرة …. و 6 جيجا رام … وكاميرات الأفضل في فئتها … و بطارية 4000 ميلي أمبير …. وكمان دعم للتبريد المائي للمعالج اللي إحنا شارحينه بالتفصيل في الفيديو المرفق .. وشاحن سريع مرفق جوة العلبة .. شاشة الموبايل 6.2 بوصة بنوتش كبيرة شوية ولكن الموبايل فيه مستشعر إنفراريد للتعرف على الوجه بدقة حتي لو أنت في ضلمة تامة … يعيب الموبايل إنه جاي بتصميم بلاستيكي فقط .

الموبايل سعره 6444 جنيه والمشكلة إنه حاليا مش متوافر بسهولة في السوق !

شراء الهاتف

أو هنا

شراء الهاتف

 

 

 

وتقدر تشوف مراجعة فيديو مختصرة بكافة عيوب ومميزات الموبايل من هنا :

 

___

تابعونا دايما على صفحتنا على الفيس بوك Apkroids وزوروا موقعنا بإستمرار apkroids.com وأعملوا متابعة للصفحة والموقع عشان تشوفوا مراجعات محايدة لجديد الهواتف الذكية

الوسوم

Mo'men Taha

إسمي مؤمن ، مدون ومهوس تقنيه خبره أكثر من 12 عام في عالم التقينة والبرمجيات ، أملك أكثر من 14 موقع إلكتروني في مختلف التخصصات يديرهم مجموعة من الشباب الناضج . الآن أنا بالعقد الثالث من عمري وأهوى التقنية والتدوين وكذلك تصميم المواقع منذ نعومة أظفاري . تعلمت مؤخرًا بعض مراحل تطوير وتعديل أنظمة أندرويد على الهواتف الذكية المختلفة وأُحب مشاركتها مع من يُحاول أن يبدأ بهذا المجال . أنشأت موقع Apkroids كهواية وحُب أولًا وأخيرًا وكما يُمكنك أن ترى أنها بدون إعلانات مستفزة أو نوافذ مُنبثقة وذلك لمُحاولة توفير أفضل تجربة تصفح مُمكنة لموقع تقني عربي . جميع الشروحات والأدوات التي تقرأها هنا قد قمت بتجربتها بنفسي أولًا ثم نقلتها إليكم من واقع تلك التجربة لحمايتك قدر الإمكان من أي خطر أو مُجازفة يُحتمل أن تواجهها .

مقالات ذات صلة

زر الذهاب إلى الأعلى
إغلاق